BB展戰利品 – Babyzen YOYO2 BB車

Babyzen YOYO2 BB車應該係媽媽界入面都好出名吓，但我都考慮好多個月，點解? 因為好貴囉…..我親身去睇呢架BB車都應該有三四次，最後….我地係BB展敗左返嚟…..

係我地考慮既日子裡面，我地都睇過唔同品牌，但了解完都覺得唔係好岩心水。

例如有啲品牌，我覺得個坐墊比較硬，如果要放初生BB我諗要另買一塊墊俾佢坐，而且我見佢可以收納既位置好少，亦都唔係好就手，放得少野之餘拎野放野有機個會撞到BB背脊。另外我哋講求架BB車方唔方便摺起同會唔會太重，最好岩埋上飛機既尺寸，我地都覺得其他牌子仲未好乎合到呢啲要求… 有啲摺得起又未必有初生籃，係種種嘅因素下，似乎暫時好似真係又得YOYO2做到。

當然我地唔係去踩任何一個品牌，我地只係因應我地嘅要求去揀，我哋係麻煩啲要求多多。如果唔係太講究又咁多要求的話，港幣二千幾蚊絕對係可以買到一架BB車！

係BB展，我地再一次聽講解之後好快就決定買，我地係買初生睡籃同 6 + 坐椅，即係話可以由初生開始用到３至４歲（YOYO2個車架承重係可以去到22公斤）。

而我哋揀嘅初生睡籃重量係6.6公斤，而6+ 模式就6.2 公斤，呢兩個重量都係應該一個人都會拎到，佢會有條帶俾你揹上膊，而且佢係可以單手摺合打開成架BB車，都好方便。BB訓同坐嘅墊我覺得都唔會太硬，初生睡籃仲有埋個BB枕頭仔，好似都幾舒適咁；而之前提到有考慮埋上飛機嘅尺寸，YOYO2係合乎登機行李尺寸。