R先生依個月兩口子都忙緊一啲私人事，遲遲都未出post… 賣個關子先，遲下再講因乜事咁忙呢？
入正題。今次就不如講下我地點解會有移民嘅計劃。其實我諗好多準備緊移民或者剛剛移民嘅香港人係兩年前都無諗過自己會離鄉別井。相信依班人同我地一樣，由於過去兩年到今日所遇過嘅事（唔多講），先至會咁重大嘅決定。
我記得，當英國開始講BNO可以用LOTR入境個陣，我地2020年中左右就討論移民嘅問題。當時未知想去邊一個地方，只係上網不停睇唔同國家移民嘅門檻、當地文化同生活上既分別。無可否認，英國移民門檻同成本最低。只要你拎住本BNO又肯去，其實已經踩左半隻腳入去。
我同M小姐就未去過英國，但M小姐好唔鐘意嗰度天氣、環境。同M小姐傾左好耐，佢都好抗拒。始終移民咁大件事，其中一個唔想都唔可以迫。相反M小姐就好想去澳洲，其實我何嘗唔係呢… 不過大家都知澳洲移民係幾咁難先得架！ 以我為例，我係一位network engineer，30歲頭要用技術移民就算比你揀澳洲偏遠地區技術(491 visa) 都有排先輪到你，澳洲技術移民(189 visa)更加唔駛諗，無返90分都幾難成功，所以就放棄左…
直到有一次，去左一位朋友屋企度食飯。談到大家嘅去向。我地提到想去澳洲但無乜機會… 佢就話佢身邊有人問緊移民agent關於澳洲Global Talent Visa (858 Visa) 依個申請，可惜幾間嘅agents覺得佢嘅朋友工作背景同各方面成功機會唔大。相反我朋友覺得我去申請反而好大機會成功，叫我去試下…
點解呢？ 下回再分解～
R先生
M小姐