R先生話咁快就過左聖誕一個月, 仲一個星期多啲就到新年。仲記得聖誕前, 我哋有朋友一家大細上機移民去墨爾本。
由佢哋2021頭講佢哋VISA已經批咗, 唔經唔覺就到飛走嘅一日。當日去機場送機, 行出機場大堂其實真係無乜人。當你上到去check-in counter 位置, 見到好多人一袋二袋「紅白藍」, 清一色「有大有細」,大家都估到應該係準備移民嘅香港人。 好多親朋好友嚟送機, 一齊影返張最後嘅大合照。大家都為著自己下一代同未來嘅生活, 作出一個好大嘅改變, 將要各散東西。
對於朋友一家離開香港, 我哋心情係有啲矛盾。有啲唔捨得同時又覺得開心。唔捨得嘅係, 大家唔可以再係同一個地方一齊hea, 大時大節開心一齊食飯慶祝, 吹水飲酒, 閒話家常。開心嘅係, 佢哋將會有一個更好嘅環境, 生活得開心快樂。
不過我相信大家分開咗亦係短暫… 希望我哋順利來年有機會再見!
說了再見 約定再見
就會再見…
M小姐
R先生