M小姐一提到移民，一定唔多唔少都會牽涉到寵物呢一個TOPIC。
我地就有一隻7歲大嘅狗仔，其實係我地決定要移民個一刻，呢件事都一直一直一直係我心裡面好忐忑好困擾好擔心，問題唔存在帶唔帶佢走，因為答案係一定會帶佢走，但佢係一隻超級細膽，痴人痴到不可以分離個一種，所以心中不停去思考用咩方法去做會比較好。
我都有同朋友傾過呢個問題，我地就覺得無可能唔帶佢走，我真係做唔出，而我地膽心既野朋友都好明白，我仲話:「如果萬一萬一佢自己上機中途佢好驚心臟病又或者有咩事，我控制唔到，但在於人性，我無做到後悔既事，但好似好自私咁。」朋友就話:「一係諗，佢係會好驚上飛機既時間，但佢驚完去到澳洲會好開心呢~」其實又係既，正面D好 ~ 當然喇，亦都一定會有人覺得你帶埋狗仔走傻傻地喇，又要用錢等等……..但都係個句，做你認為岩同值得既事，我明白好多野都好兩難，但唔好令自己後悔。而狀況一定會有好多好多，所有野都無一定，最終其實做好你認為應該要做既事就夠!!
其實我地可以做多D我地可以做到既野，而暫時我地睇到最可以做住先既就係早D俾個飛機籠佢，放我地既衫入去，係屋企慢慢俾佢適時，慢慢俾佢鍾意個 飛機籠 ，訓練下佢係裡面安心訓覺，到時就連佢連飛機籠走。
去澳洲，根據澳洲既條例，狗仔係唔可以同主人一齊坐，狗仔係要自己坐恆溫艙………去到當地, 狗仔就要直接送去隔離營十日。
我好幾個月之前，已經揾緊寵物移民公司，甚至因為佢咁緊張既性格，我問埋私人飛機既價錢，都只係為想一齊上飛機，其實去到都係要隔離既。當然喇，問完私人飛機既價錢，我諗我都係俾心機返工同慳D喇……
而家叫做揀好左用邊間寵物移民公司，都問好晒有咩手續同價錢，而成個申請程序係會用上差唔多八個月既時間，有效期為兩年。
如無意外，我地應該嚟緊兩三個月內就會做第一步，狗仔見醫生BODY CHECK喇 ~ 同時BB都將會出世，真係多野做到自己都唔想數……..不過我都希望之後盡量每個STEP都可以記低，俾自己一個回憶又好分享又好，俾大家有個參考喇 ~
M小姐
