年尾最後一個大型BB展 (Not Too Big Expo)

今次想同大家介紹下年尾前嘅大型BB展。事關阿B 下年1月尾先出世，好多嘢又唔需要咁早買，但太遲又唔得，中間都miss左2至3個唔同商場搞嘅BB展，去到年尾好似無咩聲氣有乜嘢大型嘅BB展可以買平嘢。

後來M小姐無意之中搵到一個係九展搞嘅大型BB展叫做“Not Too Big Expo”。原來依個Expo搞左幾年，入面好好多大路牌子，好似Babyzen、jackwell、mothercare、BEABA、Hegan等等…

Expo開始之前，佢網站有啲特別優惠係會場有機會無，我地淨係online都掃左幾千蚊，但係平都有個唔好嘅地方，就係要自取無得送貨，不過反正我會揸車，平啲自己拎仲好。(有圖有真相)

會場開始第一日撞正我地朝早去做產檢，我地產檢完去到都係開左兩個鐘左右，已經開始人山人海！去之前我地緊係mark哂target買乜，全程由2pm行到8pm，中間只係用左45mins休息，都仲未買哂啲嘢。結果隔左幾日，我地再行多次買多少少「濕星」嘢。 兩次埋單我諗都用左五位數字… 但一定要講嘅係，會場唔同牌子賣緊嘅嘢真係平好多，個種平唔係幾十一百咁簡單。好似Pampers 尿片做75折咁計，買幾包newborn+細碼，都平左成幾百蚊，正所謂小數怕長計。所以大家一有機會撞正依個Expo，我係極之建議大家入去行一轉睇睇有乜買。

由於買左太多嘢，我地都需要時間整理下。有機會我地會share啲好嘢或者個shopping list出黎比大家睇。