M小姐點解我要特別寫佢嘅用後感呢？！因為佢網上好評實在太多亦都稱之為國民品牌，咁我自然對佢嘅期望都會好高。佢一個奶樽比起普通牌子都貴幾十蚊，用落去的確佢嘅方形設計好容易清洗，好容易倒奶粉，好容易收納，清潔晒可以一個疊一個去放好，同埋掃風都的確有八成時間都係易掃風嘅，亦都好快掃到風嘅，即係話個奶樽都做到BB啜奶唔會啜到好多風，呢樣野真係都加好多分💕。
題外話：不過有一個現象，應該係物理現象🤔應該用邊個牌子都一樣？？就係你用熱水沖完奶之後你要擰開個蓋放一放氣先或者倒轉個奶樽放氣先，如果唔係奶就好難啜到出黎，應該係物理問題嚟嘅….
至於Hegen有一個我覺得困擾嘅地方就係因為佢D奶樽唔係用扭既方式，係要啪實個樽蓋，啪落去有時佢會啪到一邊啪唔到一邊（某兩個蓋係咁），餵嘅時候啲奶就流晒出嚟，整到BB全身都係奶（咁可能係我手殘喇），不過呢個情況都唔止一次，仲有呢兩個蓋要好大力都開到個蓋上嚟…..而有次我用盡力去整起個蓋，一啪！個蓋終於開到喇，但由於用力過度，將樽內剩餘嘅奶彈到全身都係😤 有時點都開唔到個蓋而我都會嬲嬲地😅…….咁係呀嗎，湊BB已經好攰架喇，仲要用盡力都開唔到個蓋，點洗點放氣呀……你諗下如果BB就喊到斷氣時，你仲係度開緊個蓋想放走D氣，你係咪想發癲先？！😂
呀！仲有Hegen標榜佢D蓋係密實，可以放其他食品，我試過裝奶粉，D奶粉攝晒喺邊邊，一開蓋攝晒喺邊邊嘅奶粉就會飛晒出嚟（咁可能呢個係我問題喇……唔應該裝粉狀嘅嘢喇……）
所以你問我呢個牌子嘅奶樽係咪好似網上講好到加零一呢？！的確佢係易洗易沖奶易收納又靚，食完掃風都唔錯，但凡事都有好同唔好嘅，俾80分喇😂
M小姐
R先生