M小姐貴為外貌協會成員，一發現HEGEN就對眼已經發光，再了解下之後，聽講仲係「國民奶樽」，就決定買左批奶樽同電動擠奶器套裝。
HEGEN係一個新加坡品牌，奶樽係四方形，用PPSU造既，以我所知，PPSU既好處係耐溫200度左右，是醫療級塑膠，能抗酸鹼，唔會輕易變形同破損，質地都非常耐磨。而佢地網頁就咁樣介紹…
- 不含雙酚A、雙酚S、塑膠、甲醛
- 無氣味，不吸油
- 可高溫煮沸消毒，冷凍冷藏耐低溫
- 質地強韌，耐用抗摔
- 適用蒸汽、紅外線、紫外線燈消毒
- 天然蜂蜜色，不含任何人工色素
奶樽係四方形對於我嚟講已經係好吸引，因為清洗會極之方便，手會掂到成個奶樽裡面。而且四方形嘅樽口夠大，沖奶落粉個陣就唔好搞到成檯都係，有啲奶樽個口唔夠大，其實都好麻煩！
另外都有好多配置，例如奶樽接口用唔同配件可變成密實盒，到小朋友大啲可以變飲水樽蓋。除此之外，好處係佢地可以重疊放，咁收納空間都少好多喇! 呢啲都係好外在上嘅「好處」。
最緊要係睇左好多評價，好多人都話佢嘅排氣設計，令到BB飲完奶會少好多氣，同BB掃風亦都快好多，好易就會嗝到氣出嚟，我相信呢個係反應到係個價錢到同埋點解佢叫「國民奶樽」! 只係呢一個point，我都覺得值得試下你BB岩唔岩用 ～ 至於係咪真係好用，都要睇下個BB滿唔滿意。如果佢唔鍾意用，爸爸媽媽覺得幾好都無用…..
除左奶樽，另外要介紹就係佢嘅電動擠奶器套裝。成個套裝入面有：
電動擠奶器 x 1
電動擠奶器吸乳罩 x 2
電動擠奶器配件 (按摩圈) x 1
電動擠奶器配件 (蓋及矽膠吸膜) x 2
矽膠管 x 2
手動擠奶器配件 (矽膠吸膜) x 1
手動擠奶器配件 (手柄) x 1
PCTO™ 收納儲存蓋 (粉紅色) x 2
PCTO™ PPSU多功能收納瓶 150ml / 5oz x 2
電源插座 x 1
買佢嘅原因當然係想餵人奶啦。部機有五種模式：
(1) 電動單邊
(2) 電動雙邊
(3) 按摩 + 電動單邊
(4) 純按摩
(5) 手動，變換都非常簡易操作。
有幾種好處令我哋想買！
(1) 有多種速度、力度去擠奶
(2) 「按摩模式」令舒緩擠奶前、擠奶時與擠奶後嘅肌肉不適，降低乳腺堵塞和增生的機會。
(3) 可以電動及手動。 （因為開頭未上奶，好多人都建議用手動先）
(4) 電動係非常靜！ 因為聽啲媽媽講有某牌子係好嘈。 阿b訓緊或者你係街其實部機嘈都係一個困擾。
(5) 一瓶到底! 意思就係當你擠奶嘅時候，會直接儲入多功能接口嘅奶樽（上面介紹左）。令到你儲奶同餵奶都係單一嘅奶樽入面，不駛再換來換去之餘亦減少外來細菌嘅機會。
奶樽同電動擠奶器都未開始用，都好難講好唔好用。但係係台灣、新加坡同香港都好多媽媽話非常好用亦有人話「用得太遲」… 阿b 仲有一個月就出世，到時就知好用程度會係點。到時再同大家分享。
M小姐
R先生