R先生上一回都講到income threshold唔夠係咪就一定比人reject呢? 或者我分享一吓我嘅case。
我就唔自爆嚟自邊度啦, 因為熟行情應該好易比人估到。GTI 收入要求係AUD158,000, 咁我其實達唔到要求。 原因係我係一間NGO背景嘅公司入面做, 所以人工唔會突然之間加好多或者有花紅分之類。咁我就唯有用 (1) 工作經驗, (2) Job offer 去補救。
點解會係工作經驗呢? 其實專才唔一定人工高, 反而經驗先至最緊要。首先唔係做得耐就係有好嘅工作經驗, 而係工作上能唔能夠突顯到你嘅國際人脈同視野。例如同世界各地不同嘅IT企業合作過 (FAAMG), 當中亦擔任過Project Manager / Project Coordinator / Consultant 嘅角色。 依啲絕對係幫你嘅GTI 加唔少分數。 依類經驗其他比起人工更加緊要。講真, 一間大公司sales team 嘅VP要搵到AUD 158,000其實有幾難, 但重點係要比人睇到你嘅能力或者人際網絡可以點樣帶動澳洲發展。至於要點寫或者寫幾詳細就靠你自己嘅文筆。
另外就係Job offer。當你現時嘅人工達唔到要求, 其實你可以出去搵份Job offer係令到你能夠上係可以得到更好嘅收入。 因為我現職人工唔到要求啦, 我就send CV比獵頭公司幫我搵工, 最後佢搵到一間公司offer到contract比我, 人工亦都達到相關要求, 咁其實已經幫你解決咗人工唔到嘅問題。記住有offer 或者 contract收到就已經夠, 你係唔需要take個offer轉埋工, 當然你係可以咁做啦!
以上就係我人工達唔到GTI要求而搵其他方法去彌補不足。每個人嘅背景都唔同, 未必人人都可以用同樣嘅方法, 但你嘅背景係同我相似, 不妨一試!
R先生
M小姐