準備申請GTI全球科技人才簽證(2)

Q: 好多人會問究竟申請GTI簽證，自己DIY定係搵移民顧問幫手好?

A: 老土啲講，其實真係無一個答案揀邊個好。反而應該分析下自己比較適合邊種，兩者都有Pros & Cons。

自己DIY

Pros

• 零支出! 無任何費用要比， 你只要花時間去做就得。申請唔成功，可以再入紙申請。
• 自己最清楚自己嘅長/短處係點，揀材料砌自己profile自然得心應手。
• 申請時所需時間自行調節, 可快可慢 – 如果你英文嘅寫作能力係強嘅, 自己寫就最好不過

Cons

• 所有申請程序同方法都要自己上官網或者Google/FB搵，要時間去了解。
• 申請中途萬一程序上有乜嘢出錯，你係比較難知道發生乜事。

用Migration Agent

Pros

• 成個簽證玩法係點。申請人未必需要太了解個程序，Agent會話你聽係乜嘢時間應該做啲乜嘢…
• 簽證成功嘅要訣! 原因係佢地可能唔止一次幫唔同嘅申請人申請，或多或少都知道成功要訣或者失敗嘅原因，所以識得點樣避重就輕。當然都要取決於Agent多唔多人幫襯、對GTI簽證有幾熟、有幾多成功例子等等)
• 簽證嘅趨勢。例如申請速度、官方對簽證上任何改變等等
• 文筆比較好。 通常幫你寫得個profile嘅, 寫作能力、文法同用字方面都相當出色(至少我用緊個位Agent係先)

Cons

• 貴! 貴! 貴! 平到幾萬，貴到十幾萬都有。海鮮價~ 價錢通常會講明申請次數，就算唔成功都要收一定費用。
• Agent唔知你職業上嘅背景，你可能花好多時間去解釋比佢聽，佢先知應該用乜嘢材料去幫你申請。
• 同上，佢地好多時未必識你工作範疇嘅事。佢有機會聽完你解釋之後都會錯誤地理解。所以佢做完任何文件上嘅嘢, 最好自己check多次，以免當中有任何出錯同誤解。
• 好多Agent一個人幫緊幾個客去處理申請簽證，未必做到1 on 1 無時無刻照顧你嘅申請。有時佢地接得太多客，可能你個case都會因為咁而拖慢。

我嘅分析大概係咁。自己DIY亦唔係唔可能，FB好多Groups都教人點樣DIY。 同樣，Agent又未必一定最好或者最唔花時間。其實兩者都要花好多時間去準備。視乎你選擇邊個係比較岩自己。

大家有咩唔明或者想知，歡迎Inbox我或者係下底留言比我。