2022-23 年度移民簽證配額，GTI簽證配額少過上年？

每年澳洲聯邦財政預算案都會提到移民簽證配額嘅安排。GTI簽證由2019-2020年度開始。當時係有5000個配額，去到2020-2021年度就增加到15000個。當時其他stream係停哂批visa，只有GTI繼績不停批。相信係疫情封關嘅關係，好多拎住working visa嘅人都怕走唔到，返哂自己出生地，令到有工無人做嘅情況都幾嚴重。當局為咗準備一通關就有足人力經濟快速回復亦想吸納人才，用GTI簽證成功可享有永居PR身份嘅條件去吸引人申請留係澳洲做嘢，所以增加咗GTI配額。

當然有部分原因都係想搶香港人才啦，個陣英國同加拿大都出「BNO 5+1」同「救生艇」計劃，澳洲無理由執輸架，緊係搶埋一份。直到今日為止，香港人申請GTI係比起其他國家快好多。大概係2－3個月同一年幾嘅分別。

到咗今年2022-23年度，技術移民簽證配額增加，GTI簽證配額減少一半，意味住疫情已經阻唔到大家生活回復正常，其他簽証嘅工作都回復正常，唔需要淨係靠GTI收人。同時，早兩年其實GTI都到咗今年2022-23年度，技術移民簽證配額增加，GTI簽證配額減少一半，意味住疫情已經阻唔到大家生活回復正常，其他簽証嘅工作都回復正常，唔需要淨係靠GTI收人。同時，早兩年其實GTI都收唔夠人，多出嚟嘅配額自然去咗其他簽証度。配額少，自然競爭大。今個年度聽講要求都比上年難唔少。今年度未申請GTI嘅朋友，建議你盡快係financial year前（今年6月30號）submit你嘅EOI。如果趕唔切跌咗去下年度，除咗配額少要同人爭，income threshold都有機會提升(今年係AUD158,500)。大家快快手手搞掂就好交啦！

依個配額仲未落實，仲要等議會批咗先能夠確定。